Doppelgänger

unlängst sagt a freund, heasd in dera stadt gibt's an menschn, dea was hoagenau dei aussehn hod und der ausserdem noch die stirn besitzt dass er diese blöde ähnlichkeit mit dir benützt er tritt auf in der brigittenau und er singt dort jeden freitag - na was glaubst? "jö schau" oiso ehrlich, du, sowas tät mi stiern weu i lassert ma von dem doch ned mein ruf ruiniern - jo, jo oiso geh ich hin, afoch wiari bin und für fuffzig schülling bin i in dem beisl drin es is g'rammelt voll, nua die bühne leer und ma siecht vor lauter leut' scho kane menschn mehr und ich denke mir: das ist der moment und jezd weama jo glei wissen, ob man mich erkennt und i stöh mi hin oisa ganza und ruaf: i bin da danza! i bin da danza, faschdehsd!? ana draht si um und er sagt nur: ruhe! sunst wirst eig'sperrt in der tiefkühltruhe oder mia haund di gemeinsam ausse weu jezd singt der schurli und du hasd pause oiso bin i stüh, weu i hob des g'füh a poa watschn san schnö obeg'haut in dem gewüh' es erlisch das licht, ana sogt no: gusch! und a bänd erklimmt die bühne und sie schbühn an tusch: damdadl damdal damdal dam ... da danza!!! und jezd faungt a mensch zum singen au wo ma überhaupt ka ähnlichkeit erkennen kau doch i steh verstummt im gedränge do und die menge amüsiert se und ma haut si oh wiara fertig is, ruaf i: sie strawanza! sie betrüger, sie! i bin da danza! doch di leut' wolln d'wahrheit halt ned wissn und so weri hochkant ausseg'schmissn draussn schau i bled, weu mia föhd a ansa und i lispel nua mea: owa i bin doch da danza! plötzlich steht vua mir eine oide frau und di sagt: heans ihna kenn ich doch aus dem te-vau weu si san doch der, oiso sagns scho wer ... no, von ihna hört ma aber wirklich goa nix mehr ich umklammer sie und ich knie mich hin und fleh händeringend: bitte sagns ma wea i bin und sie schaut mi au, ois ob i deppert wa und sie sagt: sie san der havelka! - jo, jo und auf des hinauf bin i emigriert weu mir diese stadt ganz afoch zu gefährlich wird und wann mich wer sicht, sei er sich gewiss dass des nua mei doppelgänger is damdadl damdal damdal dam ... da danza!!! - jo, jo