Oide Hawara (Hirschal & Böck)

Oida, i wass ned ob du di an mi no erinnern wüsd weu i merk, dass’d scho die ganze Zeit in feinen Pinkel schbüsd aber i, i erinner mi no ganz genau mir ham gwohnt in dem söben Gemeindebau Du warst scho damals was Besser’s, dei Voda woa bei da Ggmoa und wannsd in Park kumma bisd, hamma gruafn: da kummt da Noa und mia ham die a poa Moi in Schnee eineghaut im Dezember, und du hasd so deppert gschaut Ho mia san oide Hawara, oide Hawara, oide Hawara - oda ned!? Oda ned!? Oida, tua ned a so, ois obs du mi nimma kenna tätst es is laung her, aber i siach kan Grund, dass’d mit mir nix redst oder bisd leicht no behs auf mi wegen dera Gschicht mit da Gerti und dein bleden Liebesgedicht? Bisd leicht der Meinung, die Gerti di war mit dir glicklich wuan was had denn ane wia de mit an Dillo wia dia valuan de wollt an so wia mi, der si nimmt was er wüh und des ganze woa eh nua a Kindergschbüh Owa mia san oide Hawara, oide Hawara, oide Hawara - oda ned!? Oda ned!? Irgendwaunn hamma uns später dann ganz aus de Aug’n valuan du hasd Matura gmacht, i bin beim Meixner in d’Lehr gebn wuan i muass zuagebn, des had mi ned lang gfreit so a Hackn de stühd am de schenste Zeit Do ois a Schwassa, da kannsd, wannsd ned bled bisd, so nebenbei ganz guad vadiena, nua vuasichtig muasst halt a biss’l sei i hab leider a Pech ghabt, weu bled woa i nia darum sitz i jetzt da in da Zöhn mit dia Ho mia san oide Hawara, oide Hawara, oide Hawara - oda ned!? Oda ned!? Oida, mir brauchst nix dazöhn, weu des eh in da Zeidung woa di haums hoit a dawischt, owa was solls, du bisd hoid a Noa warum hasd di a söwa in Schnee eineghaut sog, fia was hasd denn du dei Matura baut? Oida, i hab no drei Wochen, und daunn bin i da wieder draussd übrigens, wassd du, dass du no so deppert wia damals schaust und es hasst ja,da Mensch, der vaädert si ned für a Linke woasd du imma scho zu bled Owa mia san oide Hawara, oide Hawara, oide Hawara - oda ned!? Oda ned!? Owa mia san oide Hawara, oide Hawara, oide Hawara - oda ned!? Oda ned!? Jetzt brauchst nimma so fein tuan wüvü Schmoiz hasdn kriagt, Oida, ha dass i dia no amoi begegn Oida, i sog da wos, scheiss da nix, vagunn da wos i hab imma gwusst, du kummst amoi in mei Gassn ha, ha, jo so is des hoid amoi im Leben nicht einem jeden, ist es gegeben Der schaut liab aus, wos?