Schwoazza Regn

Lass die Kinder ned auf d’Strossn
Draussen kaun ma jetzt ned spühn
Weu es foid seit a poa Tog a schwoazza Regn
Von den Regn kriagt ma Kopfweh, von den Regn muass ma speim
Vielleich san olle Vegl fuat deswegn
Und am Himme is a Woikn und die is so riesngross
Und die Sunn dahinta is a blossa Fleck
Kane Auto auf da Strossn
Und ka Radioprogramm
Und am Fernsea san olle Sender weg

Unsa Opa is im Kölla
Und ma wass net wos a mocht
Owa seit zwa Stund kaun man nimma hean
Und da Voda und die Muada sitzn da und redn nix
Weu im Kindazimma heat mas leise plean
Von die Nochboan merkt ma a nix, und i glaub mia san alla
Vua die Fensta brennt in gaunz Tog ka Licht
Unsa Traktor funktioniert no
Und mia haum kann Diesl mea
Und die Tankstö is vawaist soweit ma sicht

Lass die Kinder ned auf d’Strossn
Draussen kaun ma jetzt ned spühn
Weu es foid seit a poa Tog a schwoazza Regn
Von den Regn kriagt ma Kopfweh, von den Regn muass ma speim
Vielleich san olle Vegl fuat deswegn
Und des Internet is tot, und es geht a ka Telefon
Des Wossa schmeckt nach Scheissdreck und Benzin
Von den Wossa kriagt ma Bauchweh
Von den Wossa muass ma schdeam
Und vielleicht is deswegn unsa Leo hin

Es foid – a schwoazza Regn
Es foid, es foid – a schwoazza Regn

Lassts die Kinder ned auf d’Strossn
Draussen kaun ma jetzt ned spühn
Weu es foid seit a poa Tog a schwoazza Regn

Schwoazza Regn

Schwoazza Regn