Von Scheibbs bis Nebraska

Von Scheibbs bis nach Nebraska des is a brada Weg und wann i mi nach Dienstschluss zum Schlafen niederleg dann tram i von Nebraska, i war dort zwar no nie i war in Scheibbs bei da Gendarmerie doch die ham's leider aufg'löst, jetzt bin i Polizist des ärgert mi gewaltig, ein so ein blöder Mist drum tram i von Nebraska, i war gern Sheriff durt a jeder folgert mir aufs klanste Wort I fahrert auf an Highway mit'n Chevy Sixty-Nine und sperrert die Verbrecher der Reih' nach alle ein i hätt an 45er und auf der Brust an Stern und jeder brave Bürger hätt mi gern Mei Freindin hassert Mary und war a Supergirl und wann zu der wer frech wird dann blast er glei' ins Röhrl i warat unerbittlich, weu ich bin das Gesetz mit mir zum andrah'n, na, des war ka Hetz I war a klana Kaiser und hätt' mei eigens Reich a jeder böse Schurke, der warat bald a Leich i sorg für Law-And-Order, bin streng aber gerecht und wer si mit mir anlegt, dem geht's schlecht Von Scheibbs bis nach Nebraska, des is a brada Weg und wann i mi nach Dienstschluss zum Schlafen niederleg dann tram i von Nebraska, i war dort zwar no nie und so wias ausschaut komm i a ned hi' Drum spüh i jetzt im Lotto und wann i'n 6er mach dann bau i ma Nebraska daham im Garten nach dazua a klanes G'fängnis, sperr d'Frau und d'Kinder ei in Scheibbs kanns schließlich a ganz g'miatlich sei ...